Iniciaste sesión como:
filler@godaddy.com
Iniciaste sesión como:
filler@godaddy.com
Tras ter retornado de Latinoamérica no ano da COVID no 2020, puidemos retomar a nosa actividade dentro do sector audiovisual en Galicia. Dentro deste contexto, despois de dous anos asentados en Marín, a miña vila natal, xurde a idea de crear un espazo adicado ó cinema, de maneira anual e permanente no tempo, co obxectivo de achegar o Audiovisual e o Novo Cinema Galego á veciñanza; nace así no 2022 a Mostra de Cine de Marín.
Con esa mesma motivación, e de atraer a proxección de obras de cineastas emerxentes galegos e galegas, creamos os Premios John Balan, celebrados por primeira vez no verán do 2023. Deste xeito, unimos os dous eventos principais que levamos desenvolvidos con éxito en Marín, nun só: MAC MARÍN – Mostra do Audiovisual e Cinema de Marín.
Son, xa, catro anos adicados a fomentar e dar valor ó audiovisual autóctono e internacional no casco urbano e parroquias do Concello a través das nosas actividades. Membro da 4ª xeración dunha familia de Marín, pois a miña bisavoa Rosa, a miña avoa Carme e a miña nai naceron aquí tamén, é todo un orgullo para min, como marinense, abandeirar o primeiro certame audiovisual profesional creado no Concello.
Quero aproveitar para dar as grazas polo apoio recibido por parte das asociacións e locais de hostelería colaboradores, así como do Concello de Marín e demais patrocinadores; sen vós nada disto tería sido posible... e especialmente, grazas ós creadores e creadoras, que confiades neste espazo para achegar as vosas obras ó público local.
Convídovos, entón, a que participedes un ano máis con nós, e desfrutedes da programación que temos organizada para todos e todas.
Atte:
Dani Antelo
primeiro festival galego colaborador da "wswc"
Copyright © 2025 MAC MARÍN - Tódolos dereitos reservados.
Marín de Cine - Club Audiovisual